Feja
Imami Enis Rama, i ftuar i islamistëve radikalë të Zvicrës (IZRS)
Në konferencën vjetore të IZRS, që mbahet më 29 nëntor në Freiburg, i ftuar është edhe imami nga Mitrovica, Enis Rama i cili vetëm pak ditë më parë është liruar nga burgu hetues
Këshilli Qendror Islamik i Zvicrës (IZSR) me seli në Biel/Bienne konsiderohet si organizatë që kultivon një variant radikal e rigjid të islamit dhe që drejtohet nga zviceranë të konvertuar në islam. Për këtë arsye udhëheqësit e tij kanë qenë vazhdimisht në fokus të medieve zvicerane.
Në konferencën vjetore të këtij këshilli, që mbahet më 29 nëntor në Freiburg, i ftuar është edhe imami nga Mitrovica, Enis Rama. Ky imam i cili është po ashtu edhe drejtues i televizionit religjioz “Peace TV”, vetëm pak ditë më parë është liruar nga burgu hetues. Ai dyshohej për terrorizëm, rrezikim të rendit kushtetues dhe predikim të urrejtjes fetare, shkruan gazeta Tages Anzeiger.
Në arikullin e kësaj gazetee, të cilin e transmetojnë edhe mediet tjera në hapësirën gjermanishtfolëse të Zvicrës thuhet se “38 vjeçari Rama hyn në mesin e predikuesve më të njohur të vendit të tij. Autoritetet e ngarkojne atë për mbështetje të grupit ekstremist IS. Për këtë arsye edhe Departamenti i Jashtëm Amerikan e ka pasur `në radar`. Rama thuhet të ketë bërë disa herë thirrje për urrejtje kundër hebrenjve”.
Dy vite më parë në konferencën vjetore të IZRS kishte marrë pjesë edhe imami i Xhamisë së Madhe të Prishtinës, Shefqet Krasniqi. Ai bën pjesë në grupin e hoxhallaëve të arrestuar nga mesi i shtatorit nën dyshimin për afërsi me organizatat ekstremiste islamike. Krasniqi vazhdon të mbahet i paraburgosur.
E-Diaspora
-
Java e Kulturës së Kosovës në Berlin Eventi nis nga 12 qershor 2024, në Kesselhaus në Kulturbrauerei...
-
Bukuresht: Koncert madhështor nga sopranoja Inva Mula dhe tenori Gjergji Mani
-
Ramë Dardania, me ekspozitë në Pragë
-
Oficerë shqiptarë që shërbejnë dhe kontribuojnë në sigurinë e Nju-Jorkut
-
Në Zvicër u mblodhën mbi 37 mijë euro në edicionin e 6-të të ngjarjes filantropike Save a Life!
Jeta në Austri
-
Prezantohet në Vjenë platforma “Made in Kosova“ Vjenë: U bë degustimi i verërave nga Kosova...
-
Austri: Të paktën 300 kocka vigane janë gjetur në një bodrum shtëpie
-
Austri: Përmbledhje e lajmeve më të fundit të ditës së sotme
-
Austria po përballet me mungesë të madhe të punëtorëve të kualifikuar
-
Boksieri Bernardin Jakaj, i gatshëm për meçin e së shtunës në Vjenë