Gjuha
Në Volketswill hapet shkolla shqipe
Të premten me datën 23. Gusht 2019, në Volketswil, të Kantonit të Cyrihut, në Zvicër, u hap edhe një pikë shkollore, ku dhjetëra nxënës iu bashkëngjiten bashkëmoshatarëve të tyre në mësimin e gjuhës shqipe. Dy – tre takime të shkurtra me disa nga veprimtarët arsimdashës të kësaj ane rezultoi me hapjen e pikës shkollore në gjuhën shqipe. Po ashtu vlen të theksohet edhe kontributi i Ambasadës së Republikës së Shqipërisë, dhe veçanërisht ambasadorit, z. Ilir Gjoni në hapen e pikave të reja shkollore.
Interesimi ishte në nivelin e duhur, gjë që rezultoi që në ditën e parë të mos kishte vend për të gjithë në klasë. Prandaj ndarja në dy grupe, atë të nivelit të parë dhe të nivelit të dytë ishte më se i domosdoshëm.
Por, jo vetëm kaq, sepse interesimi i disa familjeve për ta organizuar sa më mirë pikën shkollore në Volketswil, si dhe në bazë të fletëparaqitjeve të nxënësve kjo pikë shkollore premton që shumë shpejt do të shndërrohet në një çerdhe të vërtetë të fëmijëve shqiptarë, të cilët nën ndikimin e prindërve të tyre dëshirojnë ta mësojnë dhe ta ruajnë gjuhën amtare.
Në takimin e parë me mësuesin Vaxhid Sejdiu nuk ishte vështirë të shihej në sytë e tyre dashuria dhe vullneti që kanë për ta mësuar gjuhën shqipe. Përpjekjet e tyre, që nganjëherë edhe në mungesë të njohjes së shkronjave mundoheshin të japin maksimumin prej vetes gjatë leximit apo komunikimit.
Një vit i vështirë sepse disa prej tyre fillojnë me vonesë 3-4 apo 5-vjeçare, por jo e pamundshme që të arrihet qëllimi i duhur.
Ky bashkëbisedim me nxënësit dhe mësuesit Vaxhid Sejdiut ishte mjaft i ngrohtë, mjaft i drejtpërdrejtë dhe tepër motivues, i cili tha: “më besoni se tani kështu është gjendja pa fajin e këtyre fëmijëve të mrekullueshëm, të cilët mundohen t`i shqiptojnë shkronjat, fjalët dhe t`i lexojnë fjalitë sa më mirë, por ky është fillimi. Jam më se i bindur në fund të vitit shkollor kjo gjendje do të jetë ndryshe dhe gjuha shqipe do të bëhet pjesë e pandashme e tyre”.
Prandaj në këtë rrugëtim gatishmëria e nxënësve të shkollë shqipe në Volketswill duhet përshëndetur dhe duhet të jetë shembull për të gjithë fëmijët që jetojnë në mërgatën shqiptare.
“Nxënësit Matiani, Genti, Visari, Alea, Jeta M., Luani, Aroni, Lutfija, Jeta H., Ylli, Besimi, Semra, Amini, Medina, Amiri, Edina, Arbnori, Enisi, Anesa M., Aulona, Anesa H. etj., të cilët u ulën sot në bankat shkollore janë dëshmi se gjuha shqipe, është leje njoftimi për çdo shqiptarë.”, thuhet nga Sektori për Informim i kësaj shkolle shqipe në Volketswil.
E-Diaspora
-
Lidhja e Mjekëve Shqiptarë në Zvicër ngushëllon familjen Dalipi "Komuniteti mjekësor në Zvicër humbi sot papritmas kolegun e nderuar, doajenin e psikiatrisë dhe psikoterapisë Dr.med....
-
Ndahet nga jeta psikiatri, Dr. med Sami Dalipi
-
Shënohet Dita ndërkombëtare e remitencave, Kosova ka rritje ndër vite
-
Komuniteti Musliman Shqiptar në Zvicër uron festën e Kurban-Bajramit
-
Si e sheh Zvicra Kosovën në 25 vjetorin e çlirimit
Jeta në Austri
-
Kur mund të kërkoj rimbursim për shpenzimet mjekësore në Austri? Nëse vizitoni një ‘mjek me zgjedhje’ në Austri ose shkoni për disa procedura dhe ekzaminime, mund...
-
Austriakët, të shqetësuar pas rritjes së FPO ekstremiste në zgjedhjet evropiane
-
A ka Austria probleme me drogën?
-
8 gjërat që duhet të dini përpara se të filloni një punë në zyre në Austri
-
Gjithçka që duhet të dini për marrjen me qira të një makine në Vjenë