Feja
Imami Mehmeti kundër “imamëve me dy fytyra”, IS-it dhe IZSR-së
"Ka edhe në Zvicër në mesin e myslimanëve mbështetës të “Shtetit Islamik” (IS), një organizatë terroriste kjo. Por t`i quash kafshë këta terroristë, i ke ofenduar kafshët”
Federatat dhe bashkësitë e ndryshme që përfaqësojnë myslimanët nuk kanë ndikim dhe besueshmëri të vërtetë te besimtarët. Janë vetëm imamët ata që e kanë një ndikim të tillë. Kështu thotë imami shqiptar nga Berna, njëherësh kryetar i Bashkësisë Islame Shqiptare të Zvicrës, Mustafë Mehmeti në intervistën për gazetën “Sonntagszeitung”, të publikuar sot.
“Ka edhe në Zvicër në mesin e myslimanëve mbështetës të “Shtetit Islamik” (IS), një organizatë terroriste kjo. Por këta terroristë t`i quash kafshë i ke ofenduar kafshët”, ka shtuar Mehmeti, duke thënë se bëhet fjalë për një pakicë fare të vogël. Mirëpo, sipas Mehmetit, kushdo që vetëpërmbajtjen e myslimanëve në dënimin e IS e konsideron “solidaritet pasiv” e ka plotësisht gabim”.
Është përgjegjësi e imamëve në Zvicër që të organizohen më mirë dhe të kërkojnë bashkëpunim me autoritetet e shtetit për të penguar myslimanët e rinj që të lidhen me IS-in, ka thënë më tutje imami Mehmeti.
Por, ka tërhequr vërejtjen ai “në Zvicër ka edhe imamë që `kanë dy fytyra`. Nga jashtë ata paraqiten të moderuar por në mes vete flasin ndryshe. Kjo është e rrezikshme. Imamët do të duhej që në faljen e të premtes dhe në kontakt me opinionin të flasin në të njëjtën gjuhë. Sepse kështu është e mundur “ta bëjmë hapin e kalimit nga xhamitë e oborreve dhe të bodrumeve te shoqëria zvicerane”.
Mehmeti i njeh predikuesit e dhunës që janë arrestuar javën e kaluar në Kosovë. Ata janë të tillë, me dy fytyra. “Ata nuk kanë idenë për Zvicrën dhe mesazhet e tyre janë të rrezikshme. Si ka mundësi që një imam të thërrasë në Zvicër një predikues që të mbajë ligjërata pa e njohur këtë vend dhe kulturën e tij? Këtë e them unë, si imam që vetë kam ardhur në Zvicër nga jashtë”.
Më tutje imami Mehmeti ka thënë po ashtu se nëse duam imamë vendorë, progresivë që i shërbejnë vendit dhe i njohin rrethanat, atëherë ata duhet të shkollohen këtu.
Kritika ka drejtuar imami shqiptar edhe ndaj Këshillit Qendror Islam të Zvicrës (IZRS), një organizatë e udhëhequr nga zviceranë të konvertuar në islam. Kjo organizatë, sipas Mehmetit e keqpërdor islamin por do të mbetet gjithmonë vetëm një grupim i vogël. Myslimanët kanë sigurisht brenga që ndryshojnë nga ato të IZRS. Koncepti i “Këshillit…” është anakronik dhe nuk ka të bëjë me realitetin”.
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri