Pas shpërndarjes së Kuvendit, Ambasada Amerikane porosit

Në reagimin e Ambasadës thuhet se është krijuar mundësia e krijimit të një qeverie të re

Ambasada e Shteteve të Bashkuara të Amerikës në Prishtinë ka reaguar pas shpërndarjes së Kuvendit, madje e ka quajtur hap të rëndësishëm, shkruan Gazeta Blic, përcjell albinfo.ch.

Në reagimin e ambasadës thuhet se është krijuar mundësia e krijimit të një qeverie të re, duke shtuar se “në fushatë kandidatët duhet të ofrojnë ide të reja mbi bisedimet me Serbinë, sundimin e ligjit dhe zhvillimin ekonomik që do të siguronin që Kosova të mos humbasë edhe më shumë kohë në ndërtimin e një baze për të ardhmen”.

“Kuvendi ka ndërmarrë një hap të rëndësishëm drejt krijimit të një qeverie të re. Një fushatë, në të cilën kandidatët ofrojnë ide të reja mbi bisedimet me Serbinë, sundimin e ligjit dhe zhvillimin ekonomik do të siguronin që Kosova të mos humbasë edhe më shumë kohë në ndërtimin e një baze për të ardhmen”, thuhet në reagimin e Ambasadës Amerikane në Prishtinë.

---