Evakuohet treni në Bernë, pasagjerët përdorin trenin rezervë

Ilustrim

Një defekt teknik në një tren ka bërë që pasagjerët të kalonin në një tren tjetër, i ardhur enkas me këtë rast.

Një tren ishte bllokuar mes ininerarit Olten dhe Bernë.

Siç është raportuar nga ana e gazetave zvicerane, pasagjerët ishin informuar për defektin përmes sistemit të altoparlantëve.

Ata kanë thënë se kanë pritur për rreth 20 minuta deri sa treni u evakuua, përcjell Albinfo.ch.

Zyra e Hekurudhave Federale ka treguar se pasagjerët janë bartur në trenin rezervë, ku më pas mund të vazhdonin udhëtimin me një linjë tjetër.

I pakënaqur me komunikimin e SBB (Zyra e Hekurudhave Federale) ishte një udhëtar në vend. Ai tha: “Gjithçka ishte në rregull derisa të na duhej të ndryshonim trenat. Ne nuk ishim të informuar se ku po shkonim, dhe në Olten duhej të gjenim vetë lidhjet e duhura”.