18 sportistë do ta përfaqësojnë Kosovën në Festivalin Olimpik për të Rinj

Foto: KOK

Në Festivalin Olimpik Evropian për të Rinj (EYOF) Baku 2019 që do të mbahet në Azerbajxhan gjatë dative 21-27 korrik, Kosova do të përfaqësohet me 18 sportistë të moshës 15-18 vjeçare.

Sportistët do ta përfaqësojnë Kosovën në pesë sporte të ndryshme: xhudo, atletikë, not, mundje dhe tenis, përcjell albinfo.ch.

Komiteti Olimpik i Kosovës ka njoftuar se noti do të përfaqësohet me pesë sportistë, atletika do të përfaqësohet me katër garues, sikurse tenisi, ndërsa mundja me dy, kurse xhudo me tre.

Siç njofton KOK, presidenti i Komitetit Olimpik të Kosovës, Besim Hasani, u shpreh optimist se krahas sportit të xhudos, që ka krijuar traditë të sukseseve ndërkombëtare, në EYOF Baku 2019 presim suksese edhe nga sportet e tjera.

“Përgatitjet janë bërë shumë më herët nëpër federata, falë mbështetjes nga mjetet që gjeneron KOK-u. Nëse e shikojmë të kaluarën e sukseseve, nga xhudo kemi rezultatet më të mira edhe tek seniorët edhe tek kategoritë e reja, por që befasi e këndshme së fundi është medalja e artë e Muhamet Ramadanit nga kampionati ballkanik i atletikës, prandaj pritshmëritë për rezultate të mira janë edhe nga atletika, por që ne nuk do t’i bëjmë askujt presion. Ne kërkojmë sjellje të mirë dhe dhënien e maksimumit nga secili sportistë”, citohet të ketë thënë ai.

Për Kosovën, Festivali Olimpik Evropian Veror për të Rinj është i treti pas përfaqësimit në Tbilisi 2015 dhe Gyor 2017. Sipas KOK-ut, Baku 2019 është rasti i artë që Ekipi Olimpik i Kosovës të fitojë medaljen e parë, e cila i mungon vendit tonë në festivale të tilla.

Kjo është lista e Ekipit Olimpik të Kosovës për EYOF Baku 2019

Erza Muminoviq (xhudo)
Fationa Kasapi (xhudo)
Festim Beqiri (xhudo)
Muhamet Ramadani (atletikë)
Leon Thaqi (atletikë)
Albina Bojaxhiu (atletikë)
Diellza Selaci (atletikë)
Urim Qaili (mundje)
Njomëza Krasniqi (mundje)
Vigan Bytyqi (not)
Olt Kondirolli (not)
Hana Fejzullahu (not)
Jona Macula (not)
Elona Zhugolli (not)
Melos Nallbani (tenis)
Fresk Sylhasi (tenis)
Vesa Gjinaj (tenis)
Forta Morina (tenis)

Trajnerët:
Fatos Tabaku (xhudo)
Xhavit Tahiri (atletikë)
Ardian Hamiti (not)
Festim Ibrahimi (tenis)
Ziber Xhoni (mundje)