Lajme
Shkalla e papunësisë në Zvicër bie në 2.1%
Në fund të qershorit 2019 në Qendrat Regjionale të Ndërmjetësimit të Punës (RAV), si persona që kërkonin punë ishin regjistruar 97.222 veta
Shkalla e papunësisë në Zvicër gjatë qershorit ka rënë në 2.1 për qind, nga 2.2 për qind sa ka qenë në muajin maj të këtij viti. Këtë njoftim e ka dhënë sot Seco (Sekretariati Shtetëror për Ekonomi).
Në qershorin e vitit 2018 papunësia në Zvicër ishte në shkallën 2.3%.
Gjithsej në fund të qershorit 2019 në Qendrat Regjionale të Ndërmjetësimit të Punës (RAV), si persona që kërkonin punë ishin regjistruar 97.222 veta, transmeton albinfo.ch. Kjo shifër është për 9357 më e ulët se ajo e qershorit të vitit 2018.
Edhe papunësia në mesin e të rinjve ka shënuar rënie prej 2.9% duke u ndalur në shkallën 1.9%, ose 9762 të rinj të papunë, që është për 975 më pak se në qershorin e një viti më parë.
Gjithsej persona që kërkojnë punë, në qershor kanë qenë të regjistruar 170.800 ndërsa vende të lira pune, 37.186.
Të përkujtojmë: shifra e atyre që kërkojnë punë në përgjithësi, ndryshon nga shifra e personave të regjistruar në RAV, shkruan albinfo.ch. Kjo për faktin se në shifrën e parë hyjnë edhe ata që e kanë mbaruar periudhën e mbështetjes nga RAV dhe tani kërkojnë punë pa këtë mbështetje.
Rënie e dukshme është shënuar te të papunët e moshës mbi 50 vjeçare. Numri i tyre është ulur për 3.4% dhe ka rënë në 28.101 të papunë.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri