Facebook njeh zyrtarisht ditën e zgjedhjeve në Shqipëri

Shqipëria sot voton për zgjedhjen e 61 kryetarëve të rinj bashkiakë, ku në qendrat e votimit ka nisur ky proces, i cili po monitorohet edhe nga vëzhgues ndërkombëtarë.

Facebook me anë të një ikone ka njoftuar të gjithë përdoruesit e këtij rrjeti social se sot Shqipëria voton, duke shkruar: ”Sot është dita e zgjedhjeve”.

Rrjeti social e bën këtë ikonë kur ka ngjarje të rëndësishme që njihen ndërkombëtarisht, çka tregon se dhe data e zgjedhjeve, sot, më 30 qershor, është një ngjarje me ndikim jo vetëm për shqiptarët, por informon dhe shtetasit e huaj për çka po ndodh në Shqipëri, shkruan ATSH.