Ekonomi
Projekti zviceran RISIAlbania ndihmon në krijimin e vendeve të punës
Duke asistuar rritjen e sektorit privat, mund të krijohen më shumë vende pune – kjo është përvoja e projektit me financim zviceran RisiAlbania. Gjatë një vizite në terren në Lushnjë, Ambasadori zviceran në Shqipëri, Adrian Maître, theksoi se asistenca teknike mund të rezultojë në më shumë vende pune nëse punon ngushtë me agrobizneset.
Ambasadori u takua me eksportuesin e suksesshëm ‘Doni Fruits’ si dhe me fermerët furnizues dhe grumbulluesit, të cilët aktualisht po punojnë për të marrë certifikimin në grup Global G.A.P, transmeton albinfo.ch.
“Mësova se ka shumë kërkesa në mënyrë që të përmbushen standardet. Ato garantojnë cilësinë e produkteve si dhe të mjedisit, dhe të dyja kanë shumë rëndësi për konsumatorin fundor dhe për tregun”, tha Ambasadori Maître pas vizitës.
Në fshatin Kemishtaj, Ambasadori zviceran vizitoi BioBes, një kompani me histori të gjatë familjare në grumbullimin dhe paketimin e bimëve mjekësore në disa rajone të Shqipërisë. Fusha e tyre me lule misri si dhe linja të tjera në vend u sigurojnë 400 familjeve rurale burimin kryesor të të ardhurave.
Projekti zviceran RisiAlbania mbështet investimet e BioBes në teknologjinë e tharjes dhe zgjerimin e kultivimit të bimëve mjekësore dhe aromatike. Kompania synon të rritë pjesën e tyre të bimëve të kultivuara nga 6% aktualisht deri në 51% në 2022, si dhe të zbatojë certifikimin organik për të gjitha produktet e veta.
Me mbështetjen e RisiAlbania kompanitë kanë krijuar deri tani 25 vende të reja pune. Projekti synon të krijojë 100 vende të reja me pune me kohë të plotë deri në fund të vitit 2019 dhe rreth 300 të tilla deri në përfundim të projektit permes bashkëpunimit me kompanitë në këtë sektor.
Të ngjashme
Të tjera nga Ekonomi
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë