Bonusi, edhe për bebet e lindura në diasporë

Ministrja e Shëndetësisë dhe Mbrojtjes Sociale e Shqipërisë, Ogerta Manastirliu, ka njoftuar se kanë vendosur të japin bonuese edhe për fëmijët që lindin në diasporë.

“Jo vetëm fëmijët e lindur në Shqipëri, por edhe fëmijët e qytetarëve shqiptarë që lindin jashtë vendit dhe regjistrohen në vendin tonë, e përfitojnë bonusin e bebes nga 40,000-120,000 lekë”, ka thënë ajo, transmeton albinfo.ch.

Manastirliu ka treguar se në 5 muajt e parë të vitit, 1 946 fëmijë të lindur jashtë vendit kanë përfituar bonusin e bebes.

Kur bebet janë binjakë, ata do të përfitojnë nga 80 000 mijë lekë të dy, ndërsa kur janë trenjakë, do të përftojnë nga 120 000 secili.
Ky vendim i Qeverisë së Shqipërisë është marrë për të stimuluar shtimin e popullsisë.