Futbollisti kosovar që luan në Premiershipin e Skocisë, do t’i bashkohet Kosovës

Përfaqësuesja e Kosovës në futboll po tregon sukses në arenën ndërkombëtare.

Kosova, e drejtuar nga përzgjedhësi zviceran Bernard Challamdes, nuk ka pësuar humbje në 14-të ndeshjet e fundit, duke thyer rekord dhe duke u bërë skuadra e vetme që ka pësuar kaq pak humbje në Evropë.

Tashmë futbollistët shqiptarë që po bëjnë karrierë në Evropë, nuk po hezitojnë t’i bashkohen Kosovës.

Sulmuesi Florian Kamberi mund t’i bashkohet Kosovës për ndeshjet e shtatorit ndaj Republikës Çeke dhe Anglisë.

Futbollisti luan me sukses ne Premiershipin e Skocisë me ekipin Hibernian, ndërsa e ka përfaqësuar edhe Zvicrën në ekipin U-21.