Petkoviq, i zhgënjyer me vendin e katërt të Zvicrës në Ligën e Kombeve

Edhe një herë, dënimet ishin fatale për kombëtaren e Zvicrës në futboll. Humbja 6-5 kundër Anglisë në penallti e la skuadrën pa medalje, duke mbetur në vendin e katërt në Ligën e Kombeve.
Kjo ndeshe zviceranëve u ka sjellë përsëri kujtimet e 25 qershorit 2016, kur në Saint-Etienne u mposhtën nga Polonia në kampionatin Evropian, transmeton albinfo.ch.
Lëndimi i Xherdan Shaqirit ka qenë shumë i rëndë për skuadrën zvicerane, pasi ai është ndër futbollistët më të mirë të saj.
“Ne duhet t’i mbajmë kokat lart për lojën e treguar, por fatkeqësisht kemi humbur dhe ky ishte një ndëshkim për ne sot”, ka thënë trajneri Vladimir Petkoviq.
“Është e keqe të shkosh deri aty dhe të përfundosh pa asgjë”, ka thënë ai, i cili u pyet edhe për vazhdimin e kontratës me Zvicrën, për të cilin tha se ende ka kohë, pasi kontrata i skadon me përfundimin e kualifikimeve për Euro 2020.