Futboll

Napoli refuzon ofertën e Atleticos për Hysajn

E shtunë, 8 Qershor 2019 - 19:00 albinfo.ch

(Maurizio Brambatti/ANSA via AP)

Atletico Madrid ka bërë një ofertë prej 18 milionë eurosh për mbrojtësin e Napolit, Elseid Hysajn dhe sipas “ESPN”, klubi italian ka refuzuar ofertën e Atletico Madridit për mbrojtësin e Kombëtares shqiptare.

Presidenti i Napolit, Aurelio De Laurentiis, ka refuzuar, pasi e konsideron ofertën shumë të ulët për një lojtar si Hysaj.

Në ditët e fundit agjenti i lojtarit konfirmoi se mbrojtësi ishte duke kërkuar të largohet nga klubi, duke shtuar se spanjollët janë një nga shumë ekipet e interesuara për nënshkrimin e tij.

25-vjeçari u bashkua me Napolin nga Empoli në vitin 2015 për pesë milionë euro dhe ka bërë 170 paraqitje gjatë kohës së tij në “San Paolo”.