Maqedonia
Qeveria zvicerane ndan një milion euro për komunat në Maqedoni
Qeveria zvicerane me një milion euro do t’u ndihmojë rajoneve të pazhvilluara të vendit. Ambasadori zviceran u tha kryetarëve të komunave se ata duhet të kuptojnë se paratë që do t’i marrin do të duhet t’i investojnë në interes të të gjithë qytetarëve dhe për projekte vetëm për komunën me të cilën menaxhojnë, e jo për nevojat e tyre personale, raporton Alsat m, përcjell albinfo.ch.
“Prandaj do të duhet kohë për të ndryshuar ky mentalitet. Por mendoj se kjo është çështje kyçe, por kjo do të ndihmojë në marrjen e vendimeve më të decentralizuara. Shumë është me rëndësi transparenca në këtë proces, sepse bëhet fjalë për mundësi për përmirësimin e standardeve të qytetarëve, dy të tretat e parave vijnë nga fondet zvicerane dhe një e treta nga taksapaguesit e Maqedonisë, që do të thotë se është në interes të qytetarëve që edhe ata të përfshihen në procesin e monitorimit të këtyre projekteve” deklaroi Ambasadori i Zvicrës në Maqedoninë e Veriut.
Derisa administrata zvicerane paralajmëron kontrolle të rrepta për çdo euro të shpenzuar, për 50 milionë eurot që Qeveria maqedonase përmes Ministrisë së financave ua ndau komunave për kthimin e borxheve, nuk ka kurrfarë kontrolli, raporton tutje televizioni.
“Praktikisht, pushteti qendror nuk ka pozitë të madhe si nga aspekti i pushtetit apo nga aspekti i mekanizmave shteti që të ndikojë ndaj gjithë kësaj, por gjithsesi ka mekanizma politik”, tha Koço Angjushev- zëvendës/kryeministër i ekonomisë.
Për këtë, disa komuna edhe krahas borxheve dhe llogarive të bllokuara, u “freskuan” me automobila tejet luksoz. Ministri i vetëqeverisjes lokale nuk kishte koment se si janë shpenzuar 50 milionë eurot e obliguesve tatimorë, por është i lumtur që shpenzimi i milionit zviceran do të kontrollohet.
“Gjatë çdo faze të vlerësimit, do të kemi përfaqësues nga ambasada zvicerane që na ndjekin në çdo hap të zbatimit të projektit, që më gëzon”, theksoi Suhejl Fazliu, ministër i vetëqeverisjes lokale.
Me këto një milion euro pa kthim nga Zvicra do të riparohen rrugët, shkollat, shtëpitë e shëndetit dhe do të ndërtohen rrjete kanalizimi. Projektet pritet të përfundojnë në vitin 2020./ Ile Spasevski/
Të ngjashme
Të tjera nga Maqedonia
E-Diaspora
-
Itali
Irma Kurti vlerësohet me “Çmimin e Kulturës” në Itali Sërish ka ardhur një vlerësim i ri për poeten dhe shkrimtaren shqiptare Irma Kurti: i akordohet...
-
Pianistja e njohur kosovare, Lule Elezi, mban koncert recital në vendlindjen e Shopenit
-
Kush është gruaja që ju flet shqip kur fluturoni me CHAIR?
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
Jeta në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj Bonusi i klimës do t’i jepet për të gjithë personat që janë banorë të regjistruar në...
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun