Shqipëria
Shqipëri: Bien investimet e pushtetit vendor, më shumë para për paga
Reforma administrative që Parlamenti miratoi në vitin 2014 nuk u ka kursyer qytetarëve para nga shpenzimet që bashkitë bëjnë për paga.
Të dhënat zyrtare tregojnë se shpenzimet, për pagat e pushtetit vendor, u rritën me 7.2 për qind gjatë vitit të kaluar, ndërkohë që investimet publike të bashkive shënuan rënie dyshifrore.
Investimet e pushtetit vendor ranë me 12 për qind gjatë vitit të kaluar, teksa 61 bashkitë e vendit kanë shpenzuar më shumë për paga dhe më pak për projekte publike. Të dhënat janë raportuar nga portali i financave vendore, një platformë e cila gjurmon treguesit financiarë të bashkive dhe mënyrën se si ato shpenzojnë paratë e qytetarëve.
Sipas shifrave për vitin 2018, investimet totale të pushtetit vendor ranë në 23.4 miliardë lekë, nga 26.6 miliardë që ishin një vit më parë. Sipas treguesve, ulja e investimeve që bëjnë bashkitë nuk është diktuar nga rënia e të ardhurave. Përkundrazi, të ardhurat totale të pushtetit vendor arritën ne 82.1 miliardë lekë vitin e kaluar, duke u rritur me 2.1 për qind krahasuar me 2017-ën.
Por pavarësisht kësaj rritjeje, bashkitë kanë shpenzuar më shumë për të mbajtur personelin, por edhe për operacionet e përditshme. Sipas të dhënave, gjatë vitit të kaluar bashkitë shpenzuan 21 miliardë lekë ose rreth 170 milionë euro për pagat dhe sigurimet e punonjësve ose 7.2 për qind më shumë se një vit më parë.
Në verën e vitit 2014, Parlamenti miratoi reformën e re territoriale, e cila e ndau Shqipërinë në 61 bashki. Sipas qeverisë, reforma do të kursente rreth 80 milionë dollarë në vit vetëm nga shkurtimi i shpenzimeve për paga, shkruan TCH, përcjell Albinfo.ch.
Por në fakt fondi i pagave për punonjësit e pushtetit vendor është rritur. Një pjesë e kësaj rritje është diktuar nga fakti se bashkitë tashmë kanë më shumë funksione në varësi, të cilat më parë paguheshin nga buxheti i shtetit si rasti i arsimit parashkollor apo zjarrfikësve. Por, përveç zgjerimit të funksioneve, arsyeja e dytë është se shumë bashki vazhdojnë të mbajnë një numër të lartë punonjësish, duke mos kursyer nga pagat aq sa priste qeveria kur miratoi reformën.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj