Presidenti Ilir Meta kërkon protesta paqësore

Pak para fillimit të protestës së opozitës, Presidenti Ilir Meta ka përsëritur edhe një herë thirrjen për protestë paqësore.
Meta theksoi se është përgjegjësi e udhëheqësve të Opozitës së Bashkuar për mbarëvajtjen e protestës, ndërsa shtoi se është më mirë që shqiptarët të protestojnë për të drejtat e tyre se sa të largohen nga vendi, transmeton albinfo.ch.
“Si President i Republikës kam qenë dhe jam i bindur se është më mirë që shqiptarët të protestojnë për të drejtat e tyre dhe të kërkojnë një Shqipëri më të mirë dhe gjithëpërfshirëse, se sa të largohen nga vendi. Në protestat e mëparshme, pavarësisht nga përkrahja qytetare, janë vërejtur disa akte dhune të papranueshme, ndaj dua t’ju kujtoj se drejtësia e kauzës tuaj, nuk duhet të cënohet nga veprime të papërmbajtura të individëve të caktuar”, ka thënë ai.
Meta ka thënë se protestat e vazhdueshme të opozitës kanë pasur vëmendjen dhe të medieve të huajaduke shtuar se imazhet tërësisht paqësore të protestës suaj do t’i shërbejnë më mirë të ardhmes evropiane të Shqipërisë.