Basha mbështet angazhimin e Gjermanisë në zgjidhjen e krizës politike

Kryetari i Partisë Demokratike në Shqipëri, Lulzim Basha, ka mirëpritur deklaratën e deputetëve gjermanë për situatën politike në Shqipëri.

Në emër të opozitës së Bashkuar, Basha tha se angazhimi i Gjermanisë për zgjidhjen e kësaj krize dhe hapjen e rrugës evropiane të Shqipërisë është i mirëpritur, transmeton albinfo.ch.

“Mirënjohje Gjermanisë mike dhe mbështetëse të Shqipërisë, për vëmendjen dhe shqetësimin ndaj problemeve që kanë penguar integrimin evropian, si mungesa e zgjedhjeve të lira dhe të ndershme, lidhjet e politikës me krimin, mungesa e luftës ndaj krimit dhe korrupsionit”, shkruan Basha në Facebook.