Maqedonia

Bankënotat e reja në Maqedoni, pa mbishkrim shqip

E premte, 10 Maj 2019 - 18:00 albinfo.ch

Bankënotat e para me emrin e ri të Maqedonisë do të lëshohen në qarkullim në fillim të vitit të ardhshëm, ka njoftuar Guvernatorja e Bankës Kombëtare, Anita Angolovska-Bezhoska.

Ajo tha se së pari do të lëshohen më qarkullim kartëmonedhat prej 500 denarësh e më pas ato prej 10 denarësh.

“Paratë kanë një cikël natyror të përdorimit që do të merret parasysh kur të lëshohen në qarkullim kartëmonedhat e reja, por duhet të merren në konsideratë edhe nevojat për lëshimin e parave të reja”, theksoi ajo, transmeton albinfo.ch.

Angolovska-Bezhoska bëri të ditur se paratë e reja në Maqedoni nuk do të jenë edhe në gjuhën shqipe. Ajo tha se për këtë do të bëhen diskutime shtesë, por tha se në kartëmonedha do të ketë simbole nga kultura shqiptare.