Tematike
Zvicër: Gratë janë më të shkolluara se burrat
Gratë në Zvicër kanë bërë një progres të rëndësishëm gjatë 20 vjetëve të fundit, sidomos në fushën e arsimit, shkruan swissinfo, përcjell në shqip albinfo.ch. Tashmë ekziston një përqindje më e lartë e grave se sa e burrave që janë të pajisur me diploma të arsimit të lartë, sipas Zyrës Federale për Statistika (FSO).
Në vitin 1999, vetëm 9.8 për qind e grave të moshës 25-35 dhe 14.4 për qind e burrave të së njëjtës moshë kishin diplomë të arsimit të lartë. Megjithatë, në vitin 2019, kjo përqindje është rritur për gratë e reja, që tash është 42.3 për qind, dhe për burrat 34.7 për qind.
Po ashtu, më shumë gra po studiojnë drejtime që tradicionalisht janë mbizotëruar nga burrat, siç janë shkenca, matematika, statistika, inxhinieria dhe ndërtimi. Zgjedhja e fushës së studimit dhe profesionit nuk është më aq e lidhur me gjininë siç ishte 20 vjet më parë, thonë nga FSO, përcjell albinfo.ch.
Ndërkaq, përqindja e grave të moshës 15-65 në punësim të paguar është rritur nga 68.2 sa ishte në vitin 1991, në 79.9 për qind (2018). Por përqindja e të punësuarve me orar të plotë ka rënë për 10 për qind për të dy gjinitë, sepse ata po zgjedhin të punojnë me orar të pjesshëm. Rreth 59 për qind e grave të punësuara punojnë me orar të pjesshëm, krahasuar me përqindjen e burrave që është 17.6.
Kurse te çiftet që kanë fëmijë nën moshën katërvjeçare, modeli tradicional, sipas të cilit burri punonte me orar të plotë e gruaja qëndronte në shtëpi, ka rënë nga 59.2 për qind sa ishte në vitin 1992, në 23.3 për qind në vitin 2017. Një praktikë e zakonshme është bërë tashmë nëpër familje që burri të punojë me orar të plotë, kurse gruaja me orar të pjesshëm.
Ndërkaq, punët e shtëpisë, ende nuk janë ndarë në mënyrë të barabartë dhe kryhen kryesisht nga gratë, në më shumë se 70 për qind të familjeve me fëmijë të vegjël, sipas statistikave të vitit 2013.
FSO po ashtu ka treguar për hendeqet gjinore mes pagave në Zvicër dhe përfaqësimin politik të grave. Hendeku i pagave mes burrave dhe grave në Zvicër ka shënuar një rritje, me një dallim prej qindra frangash në muaj në favor të burrave.
E-Diaspora
-
Paraqitet si kroat, me pasaportë false – burgoset muratori nga Kosova Prokuroria publike e Schwyz-it dënoi kosovarin për hyrje të paligjshme, qëndrim të paautorizuar dhe punë pa...
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Gjon’s Tears në intervistë për median zvicerane, flet për Kosovën
-
Bizneset nga diaspora vizitojnë “Shtëpinë e Kosovës”
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri