Klubit të xhudos “Ippon” i shtohet një shqiptar nga Shkupi

Hamzë Jashari, i lindur e rritur në Shkup, tashmë është bërë pjesë e klubit të xhudos, “Iponn”.

Lajmin e ka bërë të ditur trajneri Driton Kuka, i cili ka thënë se së shpejti Jashari do ta përfaqësojë Kosovën, e po ashtu, e ka cilësuar si një xhudist të talentuar, përcjell albinfo.ch.

“Këto suksese inkurajuan dhe unë me dëshirë po e pranoj në klubin e xhudos “Ippon” një shqiptar të lindur në Shkup, një talent që besoj do të arrijë rezultate kulminante në të ardhmen. Hamzë Jashari është tashmë pjesë e klubit tonë dhe po ashtu në procedurë për marrjen e shtetësisë! Potencial për Lojëra Olimpike në Paris 2024”, ka njoftuar përmes Facebook-ut Kuka.

Ai po ashtu ka përmendur rastin e xhudistes Loriana Kuka, e cila para dy vjetëve erdhi nga Zvicra në Kosovë, kurse tash figuron ndër xhudistet më të mira në botë.