Mbi 1 mijë të vdekur nga Ebola në Republikën e Kongos

Numri i të vdekurve nga epidemia Ebola në Republikën Demokratike të Kongos ka kaluar 1,000, ka thënë Ministria e Shëndetësisë.

Zëvendësdrejtori i Organizatës Botërore të Shëndetësisë, Michael Ryan, tha se mosbesimi dhe dhuna po dëmtonin përpjekjet për të luftuar sëmundjen, ndërsa përhapet në lindje të vendit.

Ka pasur 119 sulme të dokumentuara në qendrat dhe stafin mjekësor që nga janari, tha Dr Ryan.

Personeli i OBSH-së parashikoi “vazhdimin e transmetimit intensiv”, shtoi ai, në një konferencë për gazetarët në Gjenevë.

Punonjësit e shëndetësisë kanë shumë vaksina – më shumë se 100,000 njerëz tashmë i janë dhënë trajtimi. Por vazhdimi i dhunës në lindje të vendit, ku janë të pranishme milicitë, si dhe mosbesimi ndaj mjekëve, po pengonte programin e tyre, tha Dr Ryan, shkruan BBC, përcjell Albinfo.ch.

“Ne ende ballafaqohemi me çështje kryesore të pranimit dhe besimit të komunitetit”, tha ai.

Republika Demokratike e Kongos, po vuan gjithashtu nga një shpërthim fruthi që ka vrarë më shumë se 1,000 vetë, në 50,000 raste të raportuara.

Personeli i OBSH ka konfirmuar fruthin në 14 nga 26 provincat e vendit, në zonat rurale dhe urbane.

Shumica e epidemive të Ebolas po kalojnë shpejt dhe prekin një numër të vogël njerëzish.