Anija me mbi dy mijë turistë mbërrin në Sarandë

Foto ilustrim

2360 turistë nga e gjithë bota mbërritën të enjten në Sarandë, në ndalesën e parë të anijeve të mëdha të gjigantit MSC që jozyrtarisht cilësohet si nisja e sezonit turistik në qytetin bregdetar.

Ata që zgjodhën të zbresin në breg u pritën nga përfaqësues të Ministrisë së Turizmit e Prefekturës së Vlorës, të cilët presin që numri i turistëve të shënojë rritje këtë sezon të ri.

Por shqetësim për drejtuesit e ministrisë së linjës është që rritja e turistëve të mos kthehet në bumerang, ndaj rëndësi e veçantë po u kushtohet standardeve, raporton oranews, përcjell albinfo.ch.

Butrinti dhe Syri i Kaltër mbeten destinacionet kryesore të turistëve ditorë që mbërrijnë në Sarandë.

Anija “MSC Lirica” parashikohet të ankorohet 35 herë në brigjet e Sarandës përgjatë sezonit të ri veror.