Albana Azizi, provon veten edhe në moderim

Albana ka moderuar në Festivalin Muzikor për këndim dhe vallzim folklorik në Bernë, me pjesënarrës nga e gjithë bota

Këngëtarja e re Albana Azizi nga Berna, ka korrur sukses të konsiderueshëm me këngën e saj më të re, “Kalle Sonte”, të realizuar edhe me videoklip.

Por, së fundi ajo e ka provuar veten me mjaft sukses edhe në moderim. Më 16 nëntor Albana ishte e ftuar për të moderuar në Festivalin për Këndim dhe Vallëzim (Gesang und Volkstanz) ku marrin pjesë këngëtarë dhe valltarë nga e gjithë bota.

Edhe pse Albana ishte për herë të parë në rolin e moderatores, ajo, me sharmin e saj e arsyetoi në mënyrë të përkryer detyrën e marrë, duke shkëlqyer në moderim, si në gjuhën gjermane ashtu dhe në atë angleze.

Publiku i përbërë nga nacionalitete të ndryshme duartrokiti në mënyrë frenetike duke e shpërblyer kështu vajzën e bukur dhe të talentuar, me prejardhje nga Kosova.