Maqedonia
Momente emocionuese: Si e marrin të rinjtë rrugën e kurbetit
Autobusët çdo ditë po bartin njerëz nga Maqedonia e Veriut për në shtetet evropiane
Ora 9:00 e mëngjesit në stacionin e autobusëve në Gostivar. Përqafime dhe lot.
Vëlla me vëlla po ndahen, e kur do të takohen serish asnjëri nuk e di.
Valixhet i kanë bërë gati për tu nisur drejt Gjermanisë, ose në ndonjë shtet tjetër të Evropës, nuk ka rëndësi, ku të gjejnë punë, raporton “TV 21”.
Familjarët vështirë po i përballojnë ndarjet me më të dashurit e tyre. Të gjithë bëjnë me dorë dhe përshëndesin njeri-tjetrin, përcjell albinfo.ch.
Ky është autobusi i kompanisë “NASIR TURS” i linjës së rregullt Ohër-Hamburg. Vetëm për këtë autobus janë shitur 44 bileta. Pasi u rehatuan nëpër vendet e tyre, autobusi u nisë drejtë rrugës së kurbetit.
“Në Maqedoni kam punuar në Komunën e Butelit, por shumë rroga e vogël, për 12.000 denarë shumë është e vogël. Jam detyruar të marr rrugën e kurbetit. Kam qenë në Zvicër në vitin 1998, është hera e dytë që po shkoj, por këtë herë në Gjermani, pak e di gjuhën gjermane”.
Sunaji dhe Hajrushi, nuk njihen mes veti, por i bashkoi rruga e kurbetit. Ata thonë se po largohen me shpresën se jetët e tyre do të ndryshojnë për të mirë. Por e kanë vështirë ta lënë vendlindjen e tyre.
“Për në Gjermani në Berlin. Kam qenë edhe më herët, qëndrova 2 muaj. Erdha këtu për 10 ditë prapë po iki. Më herët kam punuar ndërtimtari si këtu edhe atje. Kam banesë, njerëzit, shoqërinë dhe familjen. Jam duke shkuar për një jetë më të mirë. Këtu pak më vështirë”, u shpreh Sunaj Tahiri nga Shkupi.
“Në Gjermani në Berlin po shkoj. Kam familje atje. Është hera e pestë që shkoj. Jam nga Shkupi. Këtu kam punuar, por është shumë dobët këtu nuk mjafton për këtë jetë duhet më shumë për atë dua të shkoj”, theksoi Hajrush Kamberi nga Shkupi.
Autobusët çdo ditë po bartin njerëz nga Maqedonia e Veriut për në shtetet evropiane. Nëse vazhdohet kështu, vallë sa banorë do të mbesin në vend.
Edhe agjenci tjera turistike thonë se numri i shitjeve të biletave njëdrejtimëshe është shtuar.
Të ngjashme
Të tjera nga Maqedonia
E-Diaspora
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada Tenori i njohur nga Kosova, Ramë Lahaj, do të jetë në Toronto në kuadër të aktiviteteve...
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?