Këngëtaret shqiptare, në fokus të medieve greke

Këngëtaret shqiptare Dua Lipa, Bebe Rexha dhe Rita Ora janë kthyer në emrat më të njohur e të komentuar të muzikës në mbarë botën dhe talenti i tyre s’mund të kalonte pa tërhequr edhe vëmendjen e shtetit fqinj, Greqisë.

Revista e njohur greke “Voice of Athens” i ka kushtuar një artikull të tërë këngëtareve shqiptare me famë botërore, ku i përgëzon për talentin dhe, ndër të tjera, përmend faktin që në Greqi shqiptarët mundohen ta fshehin origjinën e tyre, pasi trajtohen në një mënyrë që s’mund të ecin përpara.

Megjithatë, në vendet e mëdha ato s’kanë nevojë ta fshehin origjinën shqiptare dhe vajzat mund t’ia dalin me talent, shkruan media e huaj, sipas kultplus, përcjell albinfo.ch.

“Aty ku ka talent dhe vullnet, mund t’ia dalësh, pa marrë parasysh nga ku keni ardhur dhe si jeni rritur”, shkruan ndër të tjera në revistë.