Grumbullohen para për të ndihmuar familjen e Iliasit të ndjerë

Eduardi thotë se ka pritur ta shihte në facebook ndonjë iniciativë te kësaj natyre, por pasi që nuk ka parë diçka të tillë, ai ka vendosur që ta inicionte një fushatë “Gofundme” për grumbullimin e mjeteve...

Vrasja mizore e vogëlushit shqiptar, Iliasit ka tronditur të gjithë në Zvicër. Si shenjë solidarizimi me viktimën dhe familjen e tij, bshumë qytetarë të Zvicrës duan të ndihmojnë materialisht familjen e të ndjerit. Njëri prej tyre është Eduardi 27 vjeçar nga Lucerni, shkruan  20minuten.ch.

“Sikur e gjithë Zvicra edhe unë jam shokuar nga kjo tragjedi. Edhepse unë vetë nuk kam  fëmijë, nuk dua as  të imagjinoj se si ndihet dikush që e humbet fëmijën e vet në këtë mënyrë”, thotë ai. Por Eduardi e di nga përvoja e tij se si në raste vdekjeje familja e goditur, shumë shpejt ballafaqohet me shpenzime prej disa mijëra frangave, transmeton albinfo.ch. Aty bien shpenzimet për fluturimet në vendlindje, për varrimin dhe për ceremoninë mortore.

Eduardi thotë se ka pritur ta shihte në facebook ndonjë iniciativë te kësaj natyre, por pasi që nuk ka parë diçka të tillë, ai ka vendosur që ta inicionte një fushatë “Gofundme” për grumbullimin e mjeteve. “Së pari atë e kam ndarë me pjesëtarët e familjes, dhe të hollat e para kanë ardhur pikërisht prej tyre. Pastaj e kam ndarë fushatën në grupe të ndryshme”.  Ai thotë se ka dëshiruar që fushatën ta niste në mënyrë anonime por platforma në fjalë nuk e lejon një gjë të tillë.

Deri në pasditen e të dielës ishiun mbledhur më shumë se 2400 franga ndërsa synimi është që të grumbullohen 20.000 franga, transmeton albinfo.ch. “Por edhe nëse janë më pak, nuk është keq. Rëndësi ka që prindërit të kenë dicçka. Paratë do t`i derdh drejtpërdrejt në konton e prindërve”, thotë Eduardi.

KF Dardania Basel grumbullon mbi 5.000 franga brenda dy orëve

Po ashtu edhe Klubi Futbollistik “Dardania” i Bazelit ka bërë grumbullim mjetesh për familjen e të ndjerit. Në faqen e facebookut të këtij klubi veç tjerash mund të lexohet: “Falënderojmë lojtarët, familjet e tyre, miqtüe dhe anüetarët e kryesisë, të cilët dje, përmes një iniciative të nisur nga lojtarët, brenda dy orëve grumbulluan më shumë se 5000 franga , për të zbutur paksa dhembjen e familjes, përcjell albinfo.ch Anëtarët e klubit ishin edhe në marshin e zisë që u mbajt të shtunën në Bazel.

Jetmira Avdili, një aktiviste humanitare nga Solothurni ka grumbulluar po ashtu ndihma. “Gjithsej janë mbledhur rreth 1500 franga”. Ajo do të vazhdojë të ndihmojë familjen, jo vetëm financiarisht por duke i qëndruar pranë.

Familja nuk ka llogaritur për një ndihmë të tillë financiare. Ndërsa Jetmira Avdili thotë: “Familja është shumë e befasuar dhe falënderon nga zemra”.

---