Shqipëria

Opozita në Shqipëri nuk lëshon pe as pas presionit të SHBA-së

E mërkurë, 6 Mars 2019 - 19:50 albinfo.ch

Kryetari i Partisë Demokratike, Lulzim Basha, nuk ka ndryshuar qëndrim pas takimit që pati me zv.ambasadoren amerikane në Tiranë, Leyla Moses Ones.

Basha ka thënë se PD-ja nuk ka bërë asnjë hap pas në luftën kundër krimit të organizuar.

“Ka vetëm hapa përpara, këtë ia kemi borxh Shqipërisë dhe ëndrrës së gjithë shqiptarëve. Ta bëjmë Shqipërinë si gjithë Evropa, me Parlament dhe Qeveri të çliruar nga krimi, me institucione që u shërbejnë qytetarëve”, ka thënë Basha.

Ai ka shtuar se populli tashmë ka folur dhe kryeministri është shkaktar i kësaj krize të shumëfishtë në vend.