Opozita refuzon ftesën e Kryeministrit Rama

Kryetari i Partisë Demokratike, Lulzim Basha, ka përjashtuar në mënyrë kategorike mundësinë e dialogut me Kryeministrin Edi Rama. 

Basha ka thënë se ata nuk kanë me kë të dialogojnë dhe për atë kanë djegur mandatet dhe po protestojnë.  “Nuk bëhet fjalë për fatin apo përplasje mes partish, por për fatin e shqiptarëve, demokratë e socialistë. Mund të vazhdohet më kështu?! Me një shoqëri të kapur në flagrancë duke vjedhur votat, qindra miliona lekë të shqiptarëve dhe duke i gënjyer se ja dhe pak do të hapim derën e integrimit”, ka thënë Basha, përcjell albinfo.ch.

Ai ka thënë se dorëzimi i mandateve, i rrogave dhe i imunitetit është një sakrificë që opozita së bashku me qytetarët po bën për të hapur rrugën e futjes së Shqipërisë në Evropë. Ndërsa Kkryetarja e LSI, Monika Kryemadhi, u shpreh se opozita e bashkuar nuk do të ndalet deri në largimin e Ramës dhe mbajtjen e zgjedhjeve të parakohshme. Gjatë takimit me strukturat në Roskovec, Kryemadhi tha se Edi Ramën do ta rrëzojnë socialistët e tij.