Hana Raça, shqiptarja në “The Voice” të Norvegjisë

Shtatëmbëdhjetëvjeçarja e talentuar, Hana Raça, po mahnit publikun në Norvegji pas performancës së saj në “The voice”. E lindur në Osllo të Norvegjisë, këngëtarja me prejardhje nga Prishtina aktualisht ka kaluar tri faza të rëndësishme të kësaj ngjarjeje të rëndësishme muzikore për talentet e reja, raporton emisioni exspress në KTV, përcjell albinfo.ch.

Mediat norvegjeze tashmë kanë filluar të komentojnë vokalin e Hana Raçës, e cila duket t’i ketë hyrë tejet e përkushtuar këtij spektakli televiziv.

Raça tashmë ka arritur ta kthejë fokusin e jurisë së “The voice” kah zëri i saj, ndërkohë është raportuar se shumë produksione muzikore kanë nisur oferta në adresë të këngëtares premtuese, që ta menaxhojnë karrierën e saj në industrinë e muzikës. Hana me paraqitjet e saj pritet të shkojë drejt rundeve finale të kësaj ngjarjeje.