Grupet e minoriteteve në Zvicër do përfitojnë mbrojtje

(KEYSTONE/Urs Flueeler)

Qeveria ka paraqitur plane për të shpenzuar deri në  500,000 franga ($ 503,000) çdo vit për të mbrojtur grupet minoritare në Zvicër kundër ekstremizmit militant dhe sulmeve terroriste.

Propozimi parasheh kontribute financiare për masa shtesë të ndërtimit, duke përfshirë muret, portat e sigurisë dhe instalimet video dhe alarmi, për të parandaluar sulme të mundshme ndaj komuniteteve hebraike dhe muslimane, sipas Zyrës Federale të Drejtësisë.

Fondet mund të përdoren gjithashtu për fushatat e ndërgjegjësimit publik dhe kurset e trajnimit rreth masave të rrezikut dhe parandalimit, përcjell albinfo.ch

Propozimi mbulon jo vetëm bashkësitë fetare, por edhe grupet etnike duke përfshirë komunitetet rom, sinti dhe jenish, si dhe organizata që përfaqësojnë personat LGBT.

Organizatat e sigurisë nga autoritetet kombëtare, kantonale dhe lokale vitin e kaluar kanë rekomanduar rritjen e bashkëpunimit midis shërbimit të inteligjencës, policisë dhe përfaqësuesve të grupeve minoritare që mund të jenë në rrezik nga sulmet.

Qeverisë iu kërkua të hartojë rregullore, të cilat tani do të dërgohen për konsultime në partitë politike, kantonet, organizatat dhe institucionet e përfshira.