Dorëzohet në Kuvendin e Kosovës peticioni për bashkimin e Mitrovicës

Kryetari i Mitrovicës, Agim Bahtiri, e ka dorëzuar peticionin që ka për qëllim bashkimin e Mitrovicës së Veriut dhe asaj të Jugut në Kuvendin e Kosovës! Bahtiri ka thënë se ka qenë i detyruar t’i drejtohet Kuvendit me këtë peticion, pasi që nga dorëheqja e kryetarit të Mitrovicës Veriore kjo komunë po udhëhiqet nga strukturat paralele.

Ai i ka thënë kryeparlamentarit se pret që ky peticion të shqyrtohet, derisa ky i fundit tha se peticioni do të trajtohet me seriozitet. Ai ka thënë se peticioni menjëherë do të shkojë në komisionin parlamentar fillimisht për verifikim. Veseli ka deklaruar se Mitrovica do të mbetet përgjithmonë e Kosovës dhe qytetarët serbë janë shtetas të Kosovës, përcjell albinfo.ch

“Nuk duhet të ketë eskalim të situatës, Mitrovica është qytet i mitrovicasve, është komunë dinjitoze, grupe që nuk kanë interes për Mitrovicën të mos manipulojnë”, ka thënë Veseli.