Bajerni ndërton xhami në stadiumin e vet?

Xhamia po bëhet me kërkesën e mesfushorit të Bajernit, Franck Ribery

Me kërkesën e bërë nga mesfushori i Bajernit, Franck Ribery, i konvertuar në islam, Klubi i Bajernit po e shqyrton mundësinë e ngritjes së një xhamie në ambientet e stadiumit të klubit të madh, “Allianz Arena”.  Vetë Bajerni nuk e ka konfirmuar zyrtarisht një gjë të tillë, por këtë lajm e ka përhapur agjencia e lajmeve “On islam” dhe e ka transmetuar “Augsburger allgemeine”. Sipas saj, për një xhami të tillë kanë nevojë lojtarët dhe një numër i publikut.

Më tutje kjo agjenci thotë se në kërkesën e bërë nga Ribery, objekti i përmendur fetar do të kishte edhe klerikun, gjegjësisht hoxhën që do të udhëhiqte lutjet.

Klubi FC Bayern në një rast të tillë do të mbulonte pjesën më të madhe të kostos së ndërtimit, ka shkruar “On islam”.