Shpjegon në Parlamentin Evropian deklaratën e Ramës në Pejë

Në takimin e nivelit të lartë në Parlamentit Evropian, ku merr pjesë delegacioni shqiptar, eurodeputeti qipriot Takis Hadjigeorgiou i kërkoi shpjegime Taulant Ballës për fjalët e kryeministrit Edi Rama në mbledhjen e qeverive në Kosovë në lidhje me bashkëpunimin  e dy shteteve në vitin 2025 si dhe qëndrimin me dy fytyra të Serbisë.  

Sa për bashkimin, Balla theksoi se viti 2025 është vendosur si afat për anëtarësimin në BE, ndërsa siguroi se shqiptarët janë faktor paqeje në rajon, shkruan Albinfo.ch. 

“Mos kini frike nga bashkëpunimi mes shqiptarëve. Jemi faktor i rëndësishëm stabiliteti dhe paqeje në Ballkan. Jemi krenarë që jemi kombi me proevropian në rajon”, ka theksuar ai.

Balla përmendi fushatën kundër që Serbia bën për anëtarësimin e Kosovës në organizmat ndërkombëtare, kur u përgjigj për kritikat e Ramës për Serbinë.