Autotech
Pajisjet teknologjike të dëmshme për shëndetin e fëmijëve
Përdorimi i internetit dhe teknologjisë në kohët moderne gjen një përhapje të gjerë në gjithë botën. Pajisjet e reja të teknologjisë, janë joshëse për të gjithë, përfshirë edhe fëmijët dhe të rinjtë.
Por, ekspertët, tërheqin vërejtjen se ekspozimi i gjatë para ekranit, qoftë të një telefoni, kompjuteri apo televizori, mund të bartë pasoja për shëndetin e fëmijëve.
Ekspozimi i tepërt i fëmijëve ndaj mjeteve teknologjike, ka qenë temë debati edhe në shumë vende, ku janë ngritur shqetësime për efektet negative që ka në raport me shëndetin e fëmijëve.
Oftalmologu Afrim Shabani, i tha Radios Evropa e Lirë se numri i fëmijëve që vizitojnë oftalmologun është në rritje. Megjithatë, ai potencon faktin se qëndrimi i gjatë para ekraneve, rrit dioptrinë dhe mund të jetë një prej shkaktarëve që ndikon në shfaqjen e dioptrisë, përcjell albinfo.ch.
Besnik Peci, psikolog, bëri të ditur se përveç dëmtimeve në shikim, qëndrimi i tepërt para ekraneve ndikon në largimin e botës reale dhe sociale tek fëmijët.
Tutje, Peci shton se po që se teknologjia përdoret nga fëmijët në mënyrë të drejtë dhe të kontrolluar, ajo ka efekte pozitive.
Prindërit thonë se fëmijët sot po kalojnë shumë kohë të ekspozuar ndaj ekraneve, qoftë TV, telefona të mençur, Ipad apo ndonjë pajisje tjetër elektronike.
Benjamin Lama, një prind i një vajze 9 vjeçare, thotë se është i vetëdijshëm që qëndrimi për kohë të gjatë dhe të pakontrolluar me këto pajisje nuk ka se si të mos jetë i dëmshëm, përfshi edhe dëmtimin e syve.
Sidoqoftë, ritmi i shpejtë i zhvillimit të teknologjisë dhe mënyra në të cilën të rinjtë janë aftësuar për përdorimin e kësaj teknologjie vazhdojnë të sfidojnë edhe sigurinë e fëmijëve në internet.
Të ngjashme
Të tjera nga Autotech
E-Diaspora
-
Cyrih: Valltarët e shoqatës kulturore “Plisat” i janë bashkuar aksionit bamirës “Tag der guten Tat” Valltarët e shoqatës kulturore “Plisat” nga Dübendorf të shtunën i janë bashkuar aksionit bamirës “Tag der...
-
U mbajt simpoziumi shkencor në rastin e ditëlindjes së Skënderbeut
-
Boksieri Bernardin Jakaj, i gatshëm për meçin e së shtunës në Vjenë
-
Edi Rama pas takimit me emigrantët: Emocion i paharrueshëm, nuk do harroj fytyrat e shqetësuara të autoriteteve italiane
-
Rama diasporës në Itali: Shqiptarët, nga damka “e stato un albanese”, te shëmbëlltyra e ribashkimit europian
Jeta në Austri
-
Austri: Përmbledhje e lajmeve më të fundit të ditës së sotme Austria përballet me mungesë punëtorësh, të Gjelbrit humbasin terren në garën zgjedhore në BE dhe lajme...
-
Austria po përballet me mungesë të madhe të punëtorëve të kualifikuar
-
Boksieri Bernardin Jakaj, i gatshëm për meçin e së shtunës në Vjenë
-
Zakonet austriake të të ngrënit, nga të cilat bota mund të mësojë
-
Si të martoheni në Austri si i huaj?