Shpejtësi dhe çmenduri, 261 km/h në autostradën shqiptare

Një 33-vjeçar nga Tirana i cili udhëtonte me një veturë me Range Rover është kapur me shpejtësi 261 km/h

Një shpejtësi e çmendur është konstatuar gjatë natës mes të shtunës dhe të dielës, ku një veturë është kapur duke ecur me 261 km/h.

“261 km/h, kjo është papërgjegjshmëri ndaj jetës, ndaj vetes dhe ndaj përdoruesve të tjerë të rrugës. Shpejtësi e pa imagjinueshme, avion në rrugën interurbane Tiranë-Durrës”, thotë policia shqiptare, përcjellin mediat shqiptare.

Bëhet e ditur se në këtë aks rrugor Policia Rrugore e Tiranës, ka ushtruar kontrollet me radar për të parandaluar aksidentet rrugore që shkaktohen si pasojë e shpejtësisë tej normave të lejuara, përcjell albinfo.ch.

Një 33-vjeçar nga Tirana i cili udhëtonte me një veturë me Range Rover është kapur me shpejtësi 261 km/h.

Policia shqiptare apelon t’iu jepet fund shpejtësive të tilla, ndërsa nënvizohet se destinacioni nga shtëpia bëhet spitali.

Po ashtu, Policia e Tiranës gjatë fundjavës ka vendosur 49 masa administrative për OASh për shpejtësi që varionin nga 172 deri ne 261 km/h.

---