BMW tërheq 1.6 milion vetura

Prodhuesi gjerman (BMW) do të tërheqë rreth 1.6 milion automjete dizelë në Evropë dhe Azi, për shkak të një rreziku të mundshëm të zjarrit në motorët e tyre, përcjell albinfo.ch

Tërheqja vjen pas hetimit të BMW-së, i cili zbuloi se lëngu i ftohësit të motorit mund të rrjedhë nga njësia e recirkulacionit të gazit. Dëmtimi në “raste ekstreme” mund të shkaktojë zjarr, tha kompania.

Automjetet me motorë me katër cilindra dhe gjashtë cilindra, të prodhuara në periudhën 2010-2017, janë specifikuar nga BMW.

Kompania tha se do të testojë dhe, nëse është e nevojshme, do të zëvendësojë përbërësit.