Challandes: Kosova, e gatshme për Maltën

Përzgjedhësi i Kombëtares së Kosovës, Bernard Challandes, në një konferencë për media ka folur për dy ndeshjet e radhës të Kosovës, me Maltën dhe Ishujt Faroe në kuadër të Ligës së Kombeve.

Trajneri i “Dardanëve” ka thënë se nuk është duke menduar se sa pikë do t’i fitojë nga këto dy duele, por primare është paraqitja e lojtarëve.

Për këto dy ndeshje, për herë të parë është ftuar sulmuesi i Lokomotiva Zagrebit, Lirim Kastrati, përderisa në Kombëtare janë ftuar sërish Valon Berisha dhe Ardin Dallku.

Kosova do të luajë më 11 tetor në stadiumin “Fadil Vokrri” ndaj Maltës, nga ora 20:45.