Agim Bahtiri përkrah protestën e LVV-së

Kryetari i Mitrovicës, Agim Bahtiri do të përkrahë protestë e thirrur nga Lëvizja Vetëvendosje më 29 shtator, kundër politikave të Presidentit Thaçi në lidhje me dialogun.

“Kosova po kalon nëpër një situatë të vështirë politike, që ka ardhur si pasojë e veprimeve të gabuara të presidentit të Kosovës, Hashim Thaçi, i cili ka nisur bisedimet për shkëmbime territoriale me Serbinë në kundërshtim me detyrat e tij dhe pa mandat nga Kuvendi i Kosovës”, ka shkruan Bahtiri.

Ai ka ftuar edhe qytetarët e Mitrovicës.

“Andaj, i ftoj qytetarët e Mitrovicës që nesër (e shtune) të marrin pjesë në tubimin e organizuar në Qendrën e Kulturës “Rexhep Mitrovica”, ku do të flasim së bashku me kryetarin e VV-së, Albin Kurti, për situatën e krijuar, të cilës klasa politike dhe gjithë populli duhet t’i thonë ‘stop’!”, ka shkruar tutje ai.