Ngriten Shqipëria dhe Kosova, Zvicra në vendin e tetë

Shqipëria kishte një fitore dhe një humbje në muajin shtator, por është ngritur një vend në renditjen e FIFA-s

Është publikuar renditja më e re nga FIFA për muajin shtator, ku ka pasur disa ndryshime.

Zvicra ndodhet në vendin e tetë në renditjen e FIFA-s, duke ruajtur vendin e tetë, edhe pse mundi 6:0 Islandën në Ligën e Kombeve, derisa pësoi nga Anglia në miqësore 1:0.

Shqipëria kishte një fitore dhe një humbje në muajin shtator, por është ngritur një vend në renditjen e FIFA-s, shkruan albinfo.ch.

Djelmoshat kuqezi mundën Izraelin 1:0, kurse pësuan nga Skcoia 2:0. Kuqezinjtë aktualisht janë të 57-ët në botë me 1383 pikë. Shqipëria lë pas përfaqësuese të tilla si Ekuadori, Finlanda, Bolivia e Sllovenia, ndërsa para kombëtares shqiptare pozicionohen Japonia, Koreja e Jugut dhe Burkina Faso.

E 138-ta në botë Kosova që pas barazimit ndaj Azerbajxhanit dhe fitores ndaj Ishujve Faroe në Ligën e Kombeve ka ngjitur tre pozicione.

Vendi i parë çuditërisht ndahet nga Belgjika dhe Franca në kuotë të barabartë pikësh për këtë muaj ndërsa ndiqen nga Brazili, Kroacia, Uruguai dhe Anglia.

Renditja

---