Gjobitet e moshuara 92-vjeçare, reagojnë lexuesit

Një plakë 92-vjeçare ka hipur në autobus katër minuta më herët. Me këtë rast, ajo i gjobit. Lexuesit e "20 Minuten" i kanë ofruar asaj t`ia paguajnë gjobën, por ajo tashmë është paguar.

Një e moshuar 92-vjeçare nga Winterthuri ka hipur në autobus katër minuta më herët me një abonament mujo nëntëorësh. Për këtë arsye ajo është dashur të paguaj gjobë prej 100 frangash. Për shumicën e lexuesve, ky rast është plotësisht i pakuptueshëm. Në komentet e tyre, ata shkruajnë se në një rast të tillë, kontrollorët duhet ta mbyllin njërin sy.

Me 2.855 pëlqime, komenti i lexuesit David De Sando ka marrë shumë kurajo. Ai, të moshuarës i ka ofruar t`ia paguaj gjobën prej 100 frangash. Gruaja kishte gabuar, por nuk ka pasur qëllim  të keq. “Në këtë rast nuk ka pasur nevojë për gjobë”.

Ai personalisht do të ishte sjellë në mënyrë gjentile, sepse edhe ai do të donte të trajtohej kështu. Kohëve të fundit ai nuk kishte nevojë ta paguaj një gjobë, të cilën e mori pasi kishte shkuar të bëjë të holla të imta nëpër shitoret përreth, për të paguar parkingun. “Duhet shikuar ana humane e njeriut”, ka pohuar 38-vjeçari për “20 Minuten”, përcjell Albinfo.ch.

Mirëpo, një ndjenjë e tillë gjithnjë e më tepër është duke munguar aktualisht.

Nuk ka rëndësi nëse bëhet fjalë për një person të moshuar apo të ri. “Unë do t’i kisha paguar gjobëne dhe një të riu”, thotë De Sando. Një lexues i dytë, i cili gjithashtu ka regauar me këtë rast, dëshiron po ashtu ta paguaj gjobën e të moshuarës: “Orën e plakës ka mundur të jetë përpara për disa minuta”.

Në ndërkohë, 92-vjeçarja është befasuar: “Diçka e tillë?! Unë nuk do ta kisha imagjinuar se artikulli do të shkaktojë kaq shumë reagime”. Ofertat e pagesës së gjobës megjithatë i refuzon pasi gjoba tashmë është paguar. Për te nuk ka luajtur shumë rol pagesa e gjobës, por më tepër bëhej fjalë për principin. “Dua t`i falenderoj dy lexuesit për gatishmërinë e tyre për të ma paguar gjobën”.

---