Merkel thotë në Shkup se referendumi është shans  historik

"Referendumi është mundësi për hapjen e dyerve të vendit tuaj për të qenë pjesë e Bashkimit Evropian  dhe NATO-së"

Kancelarja Gjermane Angela Merkel është pritur me nderimet më të larta shtetërore në vizitën e saj në Shkup. Ajo u bë kancelarja e pare gjermane që po e viziton Maqedoninë. Vizita e saj një ditore ka për qëllim ofrimin e mbështetjes për marrëveshjen e arritur me Greqinë për çështjen e emrit.

Ajo në konferencën për shtyp që pati së bashku me kryeministrin Zaev ka thënë se referendumi i 30 shtatorit është i rëndësishëm për të ardhmen e Maqedonisë. Ndërsa shoti se ky është një shans historik për vendin.  “Referendumi është mundësi për hapjen e dyerve të vendit tuaj për të qenë pjesë e Bashkimit Evropian  dhe NATO-së.  Nevojitet shumë punë por parakushti është referendumi i 30 shtatorit. Sdua të bëjë presion për qytetarët por mund t’ju them se ky është një shans historik”, ka thënë ajo.

Maqedonia, më 30 shtator voton në referendum për marrëveshjen me Greqinë, nga e cila varet edhe integrimi në NATO dhe Bashkimin Evropian.

---