Dënohet me 13 vite burg pasi vrau 29 vjeçarin

Shqiptari 39-vjeçar kishte shtënë me armë zjarri mbi dy banorë të njohur për te, më 20 gusht të vitit të kaluar

Për shkak të të shtënave vdekjeprurëse gjatë një përpjekje jepër plaçkitje në Hamburg-Eppendorf, Gjykata e Qarkut ka dënuar një shqiptar me 13 vite burg. Shqiptari 39-vjeçar kishte shtënë me armë zjarri mbi dy banorë të njohur për te, më 20 gusht të vitit të kaluar, tha gjykatësja Petra Wende-Spohrs të mërkurën. Ai ka dashur të hyjë në banesën e tyre për të plaçkitur, por ishte befasuar nga ta.

Plumbi i parë e ka huqur banorin e parë, ndërsa i dyti e qëlloi banorin tjetër nga pjesa e prapme e gjoksit. Pak më vonë, viktima 29-vjeçare ndërroi jetë në spital. I akuzuari ishte dënuar për vrasje në tentativë, vrasje dhe shkelje të ligjit të armëve, shkruajnë mediat gjermane, përcjell “Albinfo.ch”.

Një bashkëpunëtor i tij është dënuar me një viti e pesë muaj burg. 40-vjeçari ishte fajtor për ndihmë dhe nxitje në përpjekjen e plaçkitjes, ka deklaruar gjykatësi. Kosovari, sipas provave të Gjykatës penale, ishte përkujdesur për mjetet e plaçkitjes dhe shoqëroi 39-vjeçarin dhe një bashkëpunëtor tjetër të panjohur në vendngjarje. Kriminelët dhe viktimat e njihnin njëri-tjetrin nga trafikimi me lëndë narkotike.

---