Xhaferi, i bindur se do të votohet referendumi

Kryetari i Kuvendit të Maqedonisë, Talat Xhaferi, është i bindur se shumica e qytetarëve do ta mbështesin referendumin e 30 shtatorit.

Ai i ka bërë thirrje opozitës që të sillet me përgjegjshmëri. I pyetur se çfarë do të ndodhë nëse nuk arrihet konsensusi i nevojshëm në referendum,  Xhaferi u shpreh se në rast dështimi, çështja do të kalojë në duart e institucioneve.

“Në situatën që të mos ketë konsensus, nënkupton që qytetari abstenon nga e drejta të marrë përgjegjësi vendimmarrëse dhe lë hapësirë që institucionet që i ka zgjedhur të vazhdojnë bartjen e përgjegjësisë në proceset e radhës, vijuese për këtë çështje, për të cilën ato në vazhdimësi japin përkrahje për proceset integruese”, deklaroi Xhaferi në intervistën në Alsat M.