Shalland pret fitore në dy ndeshjet e para në Ligën e Kombeve

Dy fitore në dy ndeshjet e para të Ligës së Kombeve pret t’i arrijë përzgjedhësi i Kosovës, Bernard Shalland.

Në konferencën për media, trajneri zviceran theksoi se nuk do ta kenë aspak të lehtë përballjen me Azerbajxhanin dhe Ishujt Faroe.

Challandes u shpreh i kënaqur me ardhjen e Kastriot Dermakut, por konfirmoi se kanë problem në mbrojtje.

Ai theksoi se mesfushori Besar Halimi do të grumbullohet gjatë javës, por do të mungojë ndaj Azerbajxhanit, për shkak të përgatitjeve fizike, kurse pritet të jetë gati kundër Ishujve Faroe. 67-vjeçari beson se futbollisti i Bayernit, Meritan Shabani dhe Florent Hadërgjonaj i Hadersfilldit, do t’i bashkohen shumë shpejt Kosovës.

Ndeshjen e parë në Ligën e Kombeve Kosova do ta zhvillojë më 7 shtator nga ora 18:00 si mysafire e Azerbajxhanit, kurse më 10 shtator në stadiumin “Fadil Vokrri” në kryeqytet përballet me Ishujt Faroe nga ora 20:45.

---