Mërgimtarët në Stokholm me protestë kërkuan të mos diskutohet territori

Mërgimtarët në Stokholm me anë të një njoftimi kanë bërë thirrje që Presidenti Hashim Thaçi t'i thotë jo ndarjes së Kosovës.

Para ambasadës së Kosovës në Stokholm, kanë protestuar një numër i kosovarëve që jetojnë në Suedi.

Protesta është organizuar kundër ndarjes së Kosovës.

“Hashim ik, jo ndarje, dorëheqja nuk mjafton”, janë thirrjet në disa nga parullat që ata i kanë mbajtur gjatë protestës. Janë shprehur të shqetësuar me politikën aktuale në Kosovë dhe siç thonë janë kundër veprimeve të presidentit, Hashim Thaçi dhe kryeministrit, Ramush Haradinaj. “Politikat e tyre janë në kundërshtim të plotë me kushtetutën e Republikës së Kosovës”, thuhet në njoftimin e bashkatdhetarëve.

---