Maqedoni: Më pak lindje, më shumë vdekje

Numri i personave të vdekur në tremujorin e dytë të këtij viti ka qenë 4683 persona (17 foshnje), që është më i madh për 1.1 për qind në krahasim me tremujorin e dytë të vitit 2017

Sipas të dhënave të Entit Shtetëror të Statistikave në Maqedoni numri i foshnjave të lindura të gjalla në tremujorin e dytë në vitin 2018 ka qenë 5160, që është më pak për 6.3 për qind në krahasim me periudhën e njëjtë të vitit të kaluar.

Ndërsa numri i personave të vdekur në tremujorin e dytë të këtij viti ka qenë 4683 persona (17 foshnje), që është më i madh për 1.1 për qind në krahasim me tremujorin e dytë të vitit 2017, transmeton “Telegrafi Maqedoni”.

Sipas ESHS-së, shtimi natyror arrin 477, që do të thotë se për aq persona numri i foshnjave të lindura është më i madh se i personave të vdekur, përcjell albinfo.ch.

Ndërkohë, numri i martesave në tremujorin e dytë të vitit 2018, në krahasim me periudhën e njëjtë të vitit të kaluar, është ulur për 1,4 për qind.

Në këtë tremujor, tregojnë të dhënat e Entit Shtetëror për Statistika, janë bërë 3.413 martesa. Shkurorëzimet në këtë tremujor shënojnë ulje prej 19,4 për qind në krahasim me periudhën e njëjtë të vitit 2017 dhe paraqet 394 shkurorëzime.

---