Shqipëria
Rreth 1 milion shqiptarë nuk kanë lexuar asnjë libër
Sipas statistikave kulturore të INSTAT-it, më shumë se 1/3-ta e shoqërisë shqiptare nuk ka lexuar asnjë libër vitin e kaluar
Ka dramë më të madhe sesa djegia e fletëve të librave! Një prej tyre është të mos i lexosh ato. Sipas statistikave kulturore të INSTAT-it, më shumë se 1/3-ta e shoqërisë shqiptare nuk ka lexuar asnjë libër vitin e kaluar.
“Përgjithësisht vijnë lexues të rregullt. Normalisht që ka edhe klientë që i shohim rrallë, që vijnë një herë në vit ndoshta. Të rinjtë shqiptarë, nga çfarë vëmë re ne, lexojnë pak, ndoshta nga zhvillimi i teknologjisë. Grupmoshat 30-40 vjeç blejnë më shumë dhe letërsi të mirë”, thotë Antonio Cikollari, punonjës librarie.
Nga 2 milionë e 800 mijë shqiptarë, vetëm 44 mijë prej tyre kanë lexuar më shumë sesa 10 libra në vit. 102 mijë banorë të tjerë kanë lexuar nga 5 deri në 10 libra gjatë vitit të kaluar.
“Unë nuk rri këtu, jetoj jashtë shtetit. Por lexoj, po”, thotë një qytetar, raporton “TCH”.
“Kohën e lirë e kaloj me telefonin, normal. Nuk lexoj, s’i kam pasion librat”, thotë një e re.
“Sa mirë do të ishte të lexonim, por e kam shumë të ngushtë kohën. Pothuajse nuk lexoj fare”, tha një zonjë.
“Jo edhe aq shumë, por lexoj disi. Ndoshta dy libra”, thotë një i ri, përcjell albinfo.ch.
Nga ana tjetër, në Bashkimin Evropian, “Eurostat” raporton se rreth 20% e popullsisë janë lexues të rregullt dhe se një evropian shpenzon gati 200 euro për libra.
Por, si në BE, edhe në Shqipëri, shpenzimet për libra nga viti në vit janë në rënie, ndërkohë që banorët harxhojnë më shumë para për ushqim, veshje dhe aksesorë.
Të ngjashme
Të tjera nga Shqipëria
E-Diaspora
-
Kam pak kohë që jetoj në Zvicër, si mund të aftësohem/shkollohem në Lausanne? Në kuadër të projekteve të shoqatës “Plurielles”, e cila si qëllim ka informimin dhe sensibilizimin e...
-
“Dardania” nga Winterthuri shkëlqen në festivalin “Hasi Jehon 2024”
-
Kaq mërgimtarë u regjistruan deri më 9 maj
-
Ambasada e Kosovës në Austri u bën thirrje mërgimtarëve që të regjistrohen
-
Heidi Heiz: Ndërtuese e urave në arsim – Nga asistentja, në menaxhimin e shkollës
Jeta në Austri
-
Çfarë lejohet të bëjnë fëmijët vetëm sipas ligjit austriak? Vera po vjen, shkollat po mbyllen dhe shumë prindër do të pyesin veten se si do...
-
Si mund t’i zgjidhë Vjena “problemet e saj të imigracionit”?
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE
-
Austria kualifikohet në finale të Eurovizionit
-
Ambasada e Kosovës në Austri u bën thirrje mërgimtarëve që të regjistrohen