Mustafa thotë se deklaratat për korrigjim kufijsh janë të vonuara

Kryetari i Partisë Demokratike Shqiptare, Ragmi Mustafa, ka reaguar lidhur me deklaratat e presidentit të Kosovës, Hashim Thaçi, lidhur me korrigjimin e kufirit me Serbinë.

Megjithëse e quan të vonuar, Mustafa thotë se ideja e presidentit të Kosovës është inkurajuese, përcjell albinfo.ch.

“Deklaratat e presidentit Thaçi janë shumë të vonuara në këtë çështje. Deri më tani së paku nuk është përmendur Lugina e Preshevës, megjithatë deklaratat e dy javëve të fundit janë shumë inkurajuese, sepse seriozisht Presidenti është duke u marrë njëkohësisht me dialogun Prishtinë-Beograd dhe jetësimin e referendumit të 1 e 2 marsit të vitit 1992 të shqiptarëve në Preshevë, Medvegjë dhe Bujanoc, duke asociuar në bashkëngjitjen e këtyre tri komunave me shumicë shqiptare autoktone me trungun e saj, Republikën e Kosovës”, ka thënë Mustafa në një intervistë për Ekonomia Online.