Ministria e Diasporës ndan çmimin “Post Mortem” për Agron Bajramin

“Të mësohemi të ecim shqip” ka qenë motoja e Shkollës Shqiptare të Vallëzimit “Shota” në Zvicër .

Shteti i Kosovës ka shpërblyer pas vdekjes me çmim koreografin dhe themeluesin e Shkollës Shqiptare të Vallëzimit “Shota”, Agron Bajramin. Ngjarja është zhvilluar në Prishtinë, në 2 gusht.

“Në ceremoninë e ndarjes së çmimeve për mërgimtarët e dalluar me merita të veçanta që Ministria e Diasporës ndanë për çdo vit, me rastin e manifestimeve verore që organizon për mërgimtarët në Prishtinë dhe gjithë Kosovën, Agron Bajramit, koreografit dhe themeluesit të Shkollës Shqiptare të Vallëzimit «SHOTA» i është dhënë çmimi «POST MORTEM», për kontributin e jashtëzakonshëm në ruajtjen dhe kultivimin e kulturës shqiptare në diasporë. Në emër të familjes Bajrami, në emër të Lirije Bajramit, udhëheqëses së Shkollës Shqiptare të Vallëzimit «SHOTA», çmimin e kanë pranuar familjarët Mirvete Bajrami-Xhemaili e Skender Bajrami dhe Hekuran Abdiu, valltar dhe udhëheqësi artistike i Shkollës sonë,” shkruan mes tjerash në faqen zyrtare të “Shota-Zvicër” në Facebook.

“Të mësohemi të ecim shqip” ka qenë motoja e Shkollës Shqiptare të Vallëzimit “Shota” në Zvicër .