Maqedonia
Rumania mbështet integrimet euro-atlantike të Maqedonisë
Në lidhje me referendumin, kryeministri Zaev deklaroi se pret vendim të mençur nga shumica e qytetarëve të Maqedonisë.
Kryeministrja e Rumanisë Viorica Dancila, sot ka qëndruar për vizitë zyrtare në Maqedoni, ku ka realizuar takim me krerët shtetëror në vend. Pas takimit me kryeministrin, Zoran Zaev, ajo ka shtuar që Maqedonia të anëtarësohet në NATO dhe Bashkimin Evropian, është e patjetërsueshme që referendumi të jetë i suksesshëm.
“Që të anëtarësoheni në NATO dhe BE, Rumania do të mundohet që t’ju ndihmojë në planin teknik. Uroj që të keni sukses të madh në referendum dhe shpresoj se atë do ta kuptojnë të gjithë qytetarët e Maqedonisë”, tha Dancila në konferencën e përbashkët me kryeministrin e Maqedonisë, Zoran Zaev që u mbajt në Qeverinë e Maqedonisë.
Në lidhje me referendumin, kryeministri Zaev deklaroi se pret vendim të mençur nga shumica e qytetarëve të Maqedonisë.
“Në emër të qytetarëve të Maqedonisë, ju falënderoj për mbështetjen tuaj për procesin e eurointegrimeve. Gjithë vendet që na ndihmojnë në këtë proces dhe bashkëpunon me ne. Muajt kur Rumania do të udhëheq me BE, janë muaj kur ne duhet të përfundojmë reformat dhe të finalizojmë marrëveshjen me Greqinë”, tha mes tjerash Zaev.
Përndryshe, referendumi pritet të shpallet të hënën dhe pritet të mbahet më 30 shtator 2018. Por e paqartë mbetet pyetja që do të duhet t’i përgjigjen qytetarët e Maqedonisë. Sipas asaj që paralajmëroi kryeministri i Maqedonisë, Zoran Zaev pas takimit të liderëve, pyetja do të jetë: “A jeni për anëtarësim në Bashkimin Evropian dhe NATO me pranim të marrëveshjes së emrit ndërmjet Maqedonisë dhe Greqisë?”
Të ngjashme
Të tjera nga Maqedonia
E-Diaspora
-
Besa Kokëdhima ndez skenën e Eurovision-it në Malmo të Suedisë Këngëtarja shqiptare, Besa Kokëdhima, është shfaqur sonte para publikut në Malmo të Suedisë në gjysmëfinalen e...
-
Klesta Krasniqi zgjedhet këshilltare komunale në Lausanne
-
Shuma që shpenzoi mërgimtari për shtatoren e Skënderbeut në Gjakovë
-
Integrimi: Hapi i parë, si ta thyejmë izolimin
-
Gjuha shqipe në Zvicër, një realitet në rritje, që pret të njihet
Jeta në Austri
-
Kaleen performoi në skenën e Malmos duke përfaqësuar Austrinë Një dekadë pasi Conchita Wurst bëri histori dhe fitoi Eurovision Song Contest në emër të Austrisë,...
-
Pse Austria nuk është në NATO?
-
Austri
Vjenë: Kori Siparantum, mahnitës në 200-vjetorin e Simfonisë së Nëntë të Beethovenit
-
80 vjedhje, 560 mijë euro dëm: Arrestohen katër shqiptarë në Austri
-
Austri: Ministri i Brendshëm kërkon dëbimin në Kosovë të kriminelëve nga vendet e treta